The Piper Of Dundee: The Music Of Scotland

The Music Of Scotland

The Piper Of Dundee

The piper came to our town,
To our town, to our town
The piper came to our town
And he played bonnielie*
He play'd a spring the laird to please
A spring brent new from 'yont the seas
And then he gae his bags a wheeze
And played anither key

And wasna he a rougey, a rougey, a rougey
And wasna he a rougey, the piper o' Dundee

He play'd "The Welcome Ower the Main"
And "Ye's Be Fou and I'se be Fain"
And "Auld Stuart's Back Again"
Wi' muckle mirth and glee
He'd play'd "The Kirk", he play'd "The Queer"
"The Mullen Dhu" and "Chevalier"
And "Lang Awa' But Welcome Here"
Sae sweet, sae bonnielie

It's some gat swords and some gat nane
And some were dancing mad their lane
And mony a vow o' weir
Was ta'en that night at Amulrie
There was Tillibardine, and Burleigh
And Struan, Keith, and Olgivie
And brave Carnegie, wha' but he,
The piper o' Dundee.

Music Of Scotland

Page Last Updated: 22 Sep 2017 at 03:34 UTC

You are visitor

Pages best viewed at 800 x 600 - 24bit colour with Netscape Communicator
return to britannia.org